Për shkak të rrezikshmërisë së përhapjes së virusit COVID-19, portali informativ “arbresh.info” ka filluar aplikimin e masave të Qeverisë së Kosovës për tu mbrojtur nga koronavirusi.

Me qëllim të mbrojtjes së gazetarëve, të cilët punojnë nga zyrat edhe në këtë gjendje të jashtëzakonshme janë dezinfektuar të gjitha hapësirat e portalit arbresh.info

Instituti Kombëtar i Shëndetësisë Publike të Kosovës (IKSHPK) po përcjell me vigjilencë të shtuar situatën epidemiologjike me COVID-19, po monitoron të gjitha rastet e kontakteve si dhe atyre të cilëve u është rekomanduar për vetëizolim shtëpiak.

Ekipet e QRShP në rajonet përkatëse janë në terren dhe janë duke i kontakuar kontaktet e kontakteve të rasteve pozitive me COVID-19 për mbikëqyrje të rreptë për 14 ditë duke rekomanduar që personat të vetëizolohen dhe ata që kanë simptome të lajmërohen në klinikën infektive.

Në bazë të qarkores së Ministrisë së Shëndetësisë është rekomanduar reduktimi i operacioneve elektive dhe i vizitave në ambulancat specialistike spitalore.

Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e shëndetësisë dhe Instituti kombëtar i Shëndetësisë Publike të Kosovës.

Kujtojmë se, numri i të prekruve me këtë virus tani ka shkuar në 19. Të prekurit e fundit janë një cift nga Gjakova, që së fundi kanë ardhur nga Dussefdorfi i Gjermanisë. /arbresh.info/